લાલપુર કન્યા શાળાની કબડ્ડી ટીમ જામનગર જિલ્લામાં ત્રીજા ક્રમે:બે દીકરીઓની સ્ટેટ લેવલ માટે પસંદગી
લાલપુર કન્યા શાળાની કબડ્ડી ટીમે જામનગર જિલ્લા કક્ષાની સ્પર્ધામાં ત્રીજું સ્થાન મેળવી શાળા અને લાલપુરનું ગૌરવ વધાર્યું છે. દીકરીઓએ કબડ્ડી સ્પર્ધામાં સારું પ્રદર્શન કર્યું હતું.આ સ્પર્ધા જામનગર જિલ્લામાં યોજાઈ હતી. ટીમના સારા પ્રદર્શનને કારણે બે દીકરીઓની સ્ટેટ લેવલની સ્પર્ધા માટે પસંદગી કરવામાં આવી છે. સ્ટેટ લેવલ માટે પસંદ થયેલી ખેલાડીઓમાં કુ. ઝલક માલદેભાઈ બંધિયા અને કુ. દિપ્તી રામદેવભાઈ આગઠનો સમાવેશ થાય છે. હવે આ બંને ખેલાડીઓ સ્ટેટ લેવલ પર લાલપુરનું પ્રતિનિધિત્વ કરશે.આ પસંદગીથી શાળા પરિવાર, શિક્ષકો અને વાલીઓમાં ખુશી જોવા મળી રહી છે. દીકરીઓની આ સિદ્ધિ પાછળ ટીમના કોચ પૂજાબેન વિજાભાઈ વસરાનું માર્ગદર્શન અને તાલીમ મહત્વનું રહ્યું છે. લાલપુર કન્યા શાળાની આ સિદ્ધિથી અન્ય વિદ્યાર્થીઓને પણ રમતગમત ક્ષેત્રે આગળ વધવા માટે પ્રેરણા મળી છે.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
