વઘઈના બરડામાં ઘરના વાડામાંથી ગાંજાનું વાવેતર ઝડપાયું:પોલીસે 30.97 કિલો ગાંજો અને 15.48 લાખનો મુદ્દામાલ જપ્ત કર્યો
ડાંગ જિલ્લાના વઘઈ તાલુકાના બરડા ગામમાંથી ગાંજાના વાવેતરનો એક મોટો કેસ પકડાયો છે. ડાંગ જિલ્લા લોકલ ક્રાઇમ બ્રાન્ચ અને વઘઈ પોલીસની ટીમે સાથે મળીને આ કાર્યવાહી કરી હતી. પોલીસે એક વ્યક્તિના ઘરના પાછળના વાડામાં વાવેલા ગાંજાના નાના-મોટા સાત છોડ ઝડપી પાડ્યા છે. જપ્ત કરાયેલા ગાંજાનું કુલ વજન 30.97 કિલોગ્રામ છે, જેની કિંમત 15.48 લાખ રૂપિયા છે. પોલીસને બાતમી મળી હતી કે, વઘઈ તાલુકાના બરડા ગામનો 40 વર્ષીય હરીભાઈ રડકેભાઈ રાઠોડ પોતાના ઘરના પાછળના વાડામાં ગાંજાના છોડનું વાવેતર કરી રહ્યો છે. આ બાતમીના આધારે પોલીસે સ્થળ પર દરોડો પાડ્યો. તપાસ કરતા મકાઈ, ભીંડા, કાકડી અને ખરસાટાના છોડની વચ્ચે ગાંજાના છોડ વાવેલા મળ્યા. પોલીસે સ્થળ પરથી 3 ફૂટથી લઈને 13 ફૂટ સુધીની ઊંચાઈ ધરાવતા ગાંજાના કુલ 7 છોડ જપ્ત કર્યા. પોલીસે આરોપી હરીભાઈ રાઠોડને ઝડપી પાડીને કાયદેસરની કાર્યવાહી કરી છે.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
