હારીજ કૉલેજમાં NSS ડે પર વૃક્ષારોપણ:વિદ્યાર્થીઓએ પર્યાવરણ જાગૃતિ માટે વિવિધ રોપા વાવ્યા, જાળવણીની પ્રતિજ્ઞા લીધી

સરકારી વિનયન અને વાણિજ્ય કૉલેજમાં રાષ્ટ્રીય સેવા યોજના (NSS)ના સ્થાપના દિવસે વૃક્ષારોપણ કાર્યક્રમ યોજાયો હતો. આ કાર્યક્રમનો મુખ્ય હેતુ વિદ્યાર્થીઓમાં પર્યાવરણ પ્રત્યે જાગૃતિ લાવવાનો અને વૃક્ષોના રક્ષણ માટે જવાબદારીની ભાવના વિકસાવવાનો હતો. આ કાર્યક્રમ દરમિયાન કૉલેજ પરિસરમાં અલગ અલગ પ્રકારના વૃક્ષો અને રોપા વાવવામાં આવ્યા હતા. કૉલેજના આચાર્ય, NSS કાર્યક્રમ અધિકારી ડૉ. જીગ્નેશ પરમાર, અધ્યાપકો, બિનશૈક્ષણિક કર્મચારીઓ અને NSSના સ્વયંસેવક વિદ્યાર્થીઓએ આમાં ઉત્સાહથી ભાગ લીધો હતો. આ પ્રસંગે વિદ્યાર્થીઓને માનવજીવનમાં વૃક્ષોનું મહત્વ, પર્યાવરણનું સંતુલન જાળવવામાં તેમની ભૂમિકા અને વૃક્ષોની સંભાળ રાખવા વિશે માર્ગદર્શન અપાયું હતું. NSS સ્વયંસેવકોએ વાવેલા વૃક્ષોની નિયમિત સંભાળ અને જાળવણી કરવાની પ્રતિજ્ઞા લીધી હતી. આ કાર્યક્રમનું આયોજન કૉલેજના આચાર્ય ડૉ. ટી. પી. આનંદના માર્ગદર્શન હેઠળ કરવામાં આવ્યું હતું. NSS દ્વારા વિદ્યાર્થીઓમાં “સેવા, સંવેદના અને સામાજિક જવાબદારી”ના મૂલ્યો વિકસે અને સ્વચ્છ, હરિયાળું તથા પર્યાવરણને અનુકૂળ સમાજ બનાવવામાં તેમનું યોગદાન વધે તેવો સંદેશ આ કાર્યક્રમ દ્વારા આપવામાં આવ્યો હતો.