નિરમા યુનિ.માં પ્રોફેસરે સ્ટેજ પર વિદ્યાર્થીનો કોલર પકડી ધમકાવ્યો, VIDEO:સ્ટેન્ડઅપ કૉમેડી દરમિયાન 'જલ્દી બોલ સુબહ પનવેલ નીકલના હૈ' કોમેન્ટ કરતા કમાન છટકી, NSUI મેદાનમાં

અમદાવાદની નિરમા યુનિવર્સિટીમાં એક કાર્યક્રમ ચાલી રહ્યો હતો. જેમાં પ્રોફેસર એચ.કે પટેલે એક વિદ્યાર્થીનો સ્ટેજ પર બોલાવીને કોલર પકડીને ધમકાવ્યો હતો. આ ઘટનાનો વિડિયો પણ સામે આવ્યો છે. આ વિવાદ અંગે દિવ્ય ભાસ્કરે પ્રોફેસર એચ.કે પટેલ સાથે વાત કરી ત્યારે તેમણે કહ્યું કે મારે કોઈ વાત કરવી નથી. આ વીડિયો વાઇરલ થતા NSUIએ નિરમા યુનિવર્સિટીમાં આંદોલનની ચીમકી ઉચ્ચારી છે. બે તસવીરમાં જુઓ શું થયું? વિદ્યાર્થી 'જલ્દી બોલ કલ સુબહ પનવેલ નીકલના હૈ' બોલ્યો ને પ્રોફેસરની કમાન છટકી નિરમા યુનિવર્સિટીમાં EI(ઇલેક્ટ્રોનિક એન્ડ ઇન્સ્ટ્રુમેન્ટેન્શન)ના વિદ્યાર્થીઓનો એક ટેક્નોફોરા નામથી કાર્યક્રમ ચાલી રહ્યો હતો. જેમાં સ્ટેન્ડઅપ કૉમેડી શો હતો. આ દરમિયાન સ્ટેજ પર HOD અને પ્રોફેસર એચ.કે પટેલ બોલી રહ્યા હતા. બરાબર આ સમયે એક વિદ્યાર્થીએ 'ગોલમાલ-3'ના ડાયલોગ બોલ્યો કે, 'જલ્દી બોલ કલ સુબહ પનવેલ નીકલના હૈ' ત્યાર બાદ પ્રોફેસરે વિદ્યાર્થીને સ્ટેજ પર બોલાવી ધમકાવતા કહ્યું હતું કે i can go upto any extent, the day you dare to insult any faculty of the nirma uni campus you are gone forever એટલે કે નિરમા યુનિવર્સિટીની એક પણ ફેકલ્ટીનું અપમાન કરવાની હિંમત કરી તો હું કોઈ પણ હદે જઈ શકું છું. તને હંમેશને માટે કાઢી મૂકીશ. પ્રોફેસરે આ ઘટનાને યોગ્ય ગણાવી હતી: NSUI આ અંગે NSUIના નેતા વેદાંતસિંઘ તોમરે જણાવ્યું હતું કે પ્રોફેસરના વિડિયો બાદ જ્યારે અમે સંપર્ક કર્યો ત્યારે પ્રોફેસરે આ ઘટનાને યોગ્ય ગણાવી હતી અને યુનિવર્સિટીની મેટર હોવાનું કહ્યું હતું. 2 જૂને એલ.ડી. એન્જિનિયરિંગ કોલેજના પ્રોફસરે વિદ્યાર્થીને લાફા માર્યો હતો 2 જૂન, 2026ના રોજ એલ.ડી. એન્જિનિયરિંગ કોલેજમાં પરીક્ષા પૂર્ણ થયા બાદ ઉત્તરવહી પરત જમા કરાવવા બાબતે વિદ્યાર્થી અને ફેકલ્ટી સુપરવાઇઝર ડી.એસ. પટેલ વચ્ચે બોલાચાલી થઈ હતી. આ બાબતે ઉશ્કેરાઈ જઈને સુપરવાઇઝરે વિદ્યાર્થીને બે લાફા ઝીંકી દીધા હતા. આ સમગ્ર ઘટના પરીક્ષા કેન્દ્રમાં મુકેલા CCTV કેમેરામાં કેદ થઈ ગઈ હતી.(વાંચો સંપૂર્ણ અહેવાલ)