ધ્રાંગધ્રામાં પાણીની 5 મોટર ચોરી કરનારા 3 ઝડપાયા:₹75,000ની મોટર અને 50,000ની બાઈક સહિત 1.25 લાખનો મુદ્દામાલ જપ્ત

સુરેન્દ્રનગર LCB એ ધ્રાંગધ્રા કલ્પના ચોકડી પાસેથી 1.25 લાખ રૂપિયાના ચોરીના મુદ્દામાલ સાથે ત્રણ આરોપીઓને પકડ્યા છે. તેમની પાસેથી 5 ઇલેક્ટ્રિક દેડકા મોટર અને એક બાઈક જપ્ત કરવામાં આવી છે. રાજકોટ રેન્જના નાયબ પોલીસ મહાનિરીક્ષક નિર્લિપ્ત રાય (IPS) એ રેન્જના જિલ્લાઓમાં મિલકત સંબંધિત ગુનાઓ રોકવા અને ઉકેલવા માટે સૂચનાઓ આપી હતી. સુરેન્દ્રનગર જિલ્લા પોલીસ અધિક્ષક પ્રેમસુખ ડેલૂ (IPS) એ પણ આ માટે પરિણામ મળે તેવી કામગીરી કરવા સૂચના આપી હતી. આ સૂચનાના આધારે, LCB ના HC મનોજ ઝાલા અને HC દશરથ ઘાંઘરને ચોક્કસ બાતમી મળી હતી. આ બાતમીના આધારે, ધ્રાંગધ્રા કલ્પના ચોકડી પાસે રોડ પરથી આરોપીઓને પકડી પાડવામાં આવ્યા. પકડાયેલા આરોપીઓના કબજામાંથી 5 ઇલેક્ટ્રિક દેડકા મોટર જેની કિંમત 75,000 રૂપિયા છે, અને 1 મોટરસાયકલ જેની કિંમત 50,000 રૂપિયા છે, એમ કુલ 1,25,000 રૂપિયાનો મુદ્દામાલ જપ્ત કરાયો છે. પકડાયેલા આરોપીઓમાં રાજેશ રમેશ નંદાસીયા, જયેશ ભરત લોલાડીયા અને નવઘણ દેવા સાવડીયાનો સમાવેશ થાય છે. આ ત્રણેય ધોળીધાર, તા. ધ્રાંગધ્રા, જિ. સુરેન્દ્રનગરના રહેવાસી છે. આરોપીઓ સામે કાયદેસર કાર્યવાહી કરીને તેમને આગળની કાર્યવાહી માટે ધ્રાંગધ્રા તાલુકા પોલીસ સ્ટેશનને સોંપી દેવામાં આવ્યા છે. આ ગુનો ધ્રાંગધ્રા તાલુકા પોલીસ સ્ટેશનમાં નોંધાયો હતો. આ કામગીરી LCB PI બી.એચ.શીંગરખીયા, PSI આર.જે.ગોહિલ, પેરોલ ફર્લો સ્કોડ PSI એન.એ.રાયમા, HC મનોજ ઝાલા, HC દશરથ ઘાંઘર, PC પ્રતાપસિંહ રાઠોડ અને PC વિસાલ જોષી સહિતના સ્ટાફ દ્વારા કરવામાં આવી હતી.