ભાવનગર જિલ્લામાં 7 PI-PSIની આંતરિક બદલી:લઠ્ઠાકાંડમાં LCB પીઆઇને સસ્પેન્ડ કરતાં તેમની ખાલી જગ્યાએ બોરતળાવના PIને ચાર્જ સોંપાયો, SP નિતેશ પાંડેયનો આદેશ

ભાવનગર જિલ્લા પોલીસ અધિક્ષક નિતેશ પાંડેય દ્વારા વહીવટી સરળતા અને જાહેર હિતને ધ્યાને રાખીને પોલીસ વિભાગમાં વહીવટી કારણોસર મહત્વના આંતરિક બદલીના ઓર્ડર કરવામાં આવ્યા છે. આ ફેરબદલી અંતર્ગત જિલ્લાના 7 બિન-હથિયારી પોલીસ અધિકારીઓની તાત્કાલિક અસરથી જિલ્લામાં આંતરિક ફેર બદલીનો કરવામાં આવી છે. તેમજ બોરતળાવ પોલીસ સ્ટેશનના PI એચ.બી. ચૌહાણને લોકલ ક્રાઇમ બ્રાન્ચનો ચાર્જ સોંપવામાં આવ્યો હતો. બદલી થયેલા અધિકારીઓની યાદી બોરતળાવ PIને LCBનો ચાર્જ સોંપાયો બોરતળવા પોલીસ સ્ટેશનમાં ફરજ બજાવતા PI એચ.બી. ચૌહાણની બદલી કરી તેઓને LCB શાખામાં લીવ રિઝર્વ એચેટ તરીકે મૂકાયા છે. જોકે, લઠ્ઠાકાંડમાં LCB પીઆઇને સસ્પેન્ડ કરાયા હતા, ત્યારથી આ જગ્યા ખાલી હતી. જ્યારે SOG પોલીસ ઇન્ચાર્જ પી.સી. શિંગરખીયાને LCB શાખાના વધારાના હવાલામાંથી મુક્ત કરાયા છે. સબંધિત અધિકારીને બદલીવાળી નવી જગ્યા પર તાત્કાલિક હાજર થઈ, હાજર થયા અંગેનો રિપોર્ટ પોલીસ અધિક્ષકની કચેરી ખાતે મોકલી આપવા નિર્દેશ આપવામાં આવ્યો છે.