ભરૂચમાં વહેલી સવારે ગાઢ ધુમ્મસ છવાયું, દૃશ્યતા ઘટી:વરસાદના વિરામ બાદ વાતાવરણમાં પલટો, વાહનચાલકોને મુશ્કેલી પડી
ભરૂચ શહેરમાં વરસાદે વિરામ લીધા બાદ શનિવારે વહેલી સવારે હવામાનમાં અચાનક પલટો આવ્યો હતો. શહેરના ઘણા વિસ્તારોમાં વહેલી સવારથી ગાઢ ધુમ્મસ છવાઈ ગયું હતું. તેના કારણે આખું શહેર ધુમ્મસની ચાદરમાં ઢંકાયેલું હોય તેવો નજારો જોવા મળ્યો હતો. સવારના સમયે ધુમ્મસના કારણે શહેરના મુખ્ય માર્ગો સહિતના રસ્તાઓ પર દૃશ્યતા ઓછી થઈ ગઈ હતી. વાહનચાલકોને આગળનો રસ્તો સ્પષ્ટ દેખાતો ન હોવાથી તેમને સાવચેતીપૂર્વક અને ધીમી ગતિએ વાહન ચલાવવું પડ્યું હતું. ખાસ કરીને વહેલી સવારે અવરજવર કરતા લોકોને ઓછી દૃશ્યતાના કારણે મુશ્કેલી પડી હતી. બીજી તરફ, ધુમ્મસના કારણે ભરૂચનું વહેલી સવારનું વાતાવરણ ઠંડુ અને ખુશનુમા બની ગયું હતું. શહેરના ઘણા વિસ્તારોમાં ધુમ્મસના કારણે કુદરતી સૌંદર્યનો સુંદર નજારો જોવા મળ્યો હતો. સૂર્યોદય પછી ધીમે-ધીમે તડકો પડતાં ધુમ્મસ ઓછું થવા લાગ્યું હતું. ત્યારબાદ શહેરના માર્ગો પર દૃશ્યતા સામાન્ય થઈ ગઈ હતી.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
