જામનગરમાં યુવાનને મળ્યું ₹4000 રોકડ ભરેલું પાકીટ:ઈમાનદારીનું ઉદાહરણ પૂરું પાડી માલિકને પરત કર્યું, ઈનામ લેવાનો પણ ઈનકાર કર્યો
જામનગર શહેરના હર્ષદ મીલની ચાલી વિસ્તારમાં આવેલી મોબાઇલની દુકાન પાસે એક વ્યક્તિનું પાકીટ ખોવાઈ ગયું હતું. પાકીટમાં અંદાજે રૂ. 4000ની રોકડ રકમ હતી. આ પાકીટ નૂરી મોબાઇલના ઓનર સાહેબાઝભાઈ અને તેમના મિત્ર આબુભાઈને મળી આવ્યું હતું. બંનેએ ઈમાનદારી અને માનવતાનું ઉત્તમ ઉદાહરણ પૂરું પાડતા પાકીટના માલિક જયેશભાઈ ખારાનો સંપર્ક કરી તેમનું પાકીટ સંપૂર્ણ રોકડ રકમ સાથે પરત કર્યું હતું. વધુમાં, પાકીટ પરત કરવાના બદલામાં મળનાર ઈનામની રકમ સ્વીકારવાનો પણ બંનેએ ઈનકાર કર્યો હતો. તેમની આ નિઃસ્વાર્થ ભાવના અને પ્રામાણિકતાની પ્રશંસા થઈ રહી છે. આ ઘટનાએ સમાજમાં ઈમાનદારી, માનવતા અને વિશ્વાસના મૂલ્યો આજે પણ જીવંત હોવાનું દર્શાવ્યું છે.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
