ગોધરાના ગોન્દ્રા મેસરી નદીના કોઝવે પરથી પાણી ઓસર્યું:પાણીનું સ્તર ઘટતાં વાહન વ્યવહાર ફરી શરૂ, સ્થાનિકોને રાહત
ગોધરા શહેર સહિત ઉપરવાસમાં ગઈકાલે પડેલા ભારે વરસાદને કારણે ગોધરાની મેસરી નદીમાં પાણીની આવક વધી હતી. જેના પગલે નદી બે કાંઠે વહેવા લાગી હતી. ભારે વરસાદના કારણે ગોન્દ્રા વિસ્તારમાં આવેલો મેસરી નદીનો કોઝવે પણ પાણીમાં ડૂબી ગયો હતો. કોઝવે પર પાણી ફરી વળતા સલામતી માટે તંત્રએ સાવચેતીના પગલાં લીધા હતા. વાહન વ્યવહાર પૂરી રીતે બંધ કરી દેવાયો હતો. જેના કારણે ગોન્દ્રા સહિત આસપાસના વિસ્તારના વાહનચાલકોને આવવામાં-જવામાં મુશ્કેલી પડી હતી. જોકે, આજે વરસાદ ઘટતા મેસરી નદીના પાણીનું સ્તર ઘટ્યું છે. કોઝવે પરથી પાણી ઓસરી ગયું છે. પાણીનું સ્તર સલામત થતા તંત્ર દ્વારા ગોન્દ્રા મેસરી નદીના કોઝવે પરથી વાહન વ્યવહાર ફરી શરૂ કરાયો છે. વાહન વ્યવહાર ફરી શરૂ થતા સ્થાનિકો અને વાહનચાલકોને રાહત મળી છે. જોકે, વરસાદી વાતાવરણને જોતા નદી-નાળા અને કોઝવે પરથી પસાર થતી વખતે વાહનચાલકોને સાવચેતી રાખવા અપીલ કરાઈ છે.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
